【Emily】李家超今率議員訪粵 發稿引習「灣區講話」
[2023.04.21] 發表
【明報專訊】特首李家超今日至24日同立法會議員一齊到大灣區內地城市考察，政府噚日公布，李家超會做團長，政務司長陳國基同立法會主席梁君彥就做副團長。政府第一第二把手都北上，喺呢段期間就由啱啱訪京返港嘅財政司長陳茂波署理行政長官職務。
政府噚日出稿公布大灣區團行程，依次到訪深圳、東莞、佛山同廣州，李家超仲提及國家主席習近平，話「習近平主席近日到廣東考察時表示，大灣區在全國新發展格局中具有重要戰略地位。香港特區積極支持這重要戰略」。
今次85名議員北上，陪同官員都唔少，如政制及內地事務局長曾國衞、環境及生態局長謝展寰、商務及經濟發展局長丘應樺、創新科技及工業局長孫東等。
至於財爺陳茂波，佢噚日仲喺北京訪問，拜訪咗中國人民銀行、國家財政部等，夜晚就去北京大學演講。陳茂波前日仲拜訪咗「習近平經濟思想研究中心」，仲專登喺招牌前「打卡」。
更多港聞
【明報專訊】環團前日公布關於交椅洲人工島項目嘅民調，發現98%受訪者無參與項目嘅公眾諮詢，發展局當晚還擊話收到7000幾份意見書，又話「單是...
詳情
【明報專訊】立法會發展事務委員會原訂下周二（25日）開會傾北部都會區旗艦創科項目「新田科技城」，但委員會本周一（17日）突然話應「政府當局要...
詳情
【Emily】大嘥鬼、阿德「踩過界」 伙蔡若蓮為考生打氣
【明報專訊】中學文憑試（DSE）筆試今日開考，相信唔少考生都有少少緊張。教育局長蔡若蓮噚日喺facebook發帖，話請咗兩位「份量十足」嘅嘉... 詳情
相關新聞
