【Emily】同樂運動會 11月港舉行
[2023.03.29] 發表
【明報專訊】原本舊年喺香港舉行嘅同樂運動會(Gay Games)因為疫情同入境限制押後，大會噚日宣布，敲定今年11月3日至11日舉行。香港今次會同墨西哥瓜達拉哈拉(Guadalajara)合辦，係運動會舉辦40年以嚟首度落戶亞洲同拉丁美洲。
多機構支持 稱顯社會認同
早年傳出同樂運動會唔容易租到政府場地，大會話今次獲英基學校協助，由旗下學校提供兩個比賽場地，另外會喺伊館舉行閃避球同武術項目、港大體育館舉行游泳賽，仲會喺沙田城門河舉辦龍舟比賽等。根據大會資料，平機會、香港品牌、投資推廣署、旅發局都係支持機構。
除咗運動比賽，運動會期間仲有其他周邊活動，例如開幕當日計劃舉辦彩虹跑同悼念儀式，紀念因為愛滋病同相關疾病去世嘅人，亦會舉行音樂會、歌舞表演、變裝女王表演等。
同樂運動會聯席主席朗雅侖話，今次有多個跨國企業、商會、港協暨奧委會同團體協力，令運動會成功申辦，顯示社會對呢項活動愈嚟愈認同、支持。
更多港聞
【明報專訊】前民政事務局長徐英偉（Caspar）上年離開政府之後，有時會出席電視節目，同埋拍片介紹本地遊。Emily喺酒店業界人士度聽聞，C...
詳情
報小一賄校長 婦囚4月賄款充公 案發時持單程證 官指無知非犯案理由
【明報專訊】一名案發時持單程證來港定居約一個月的家庭主婦，把兩萬元放進信封交軒尼詩道官立小學（銅鑼灣）的校長，以求換取兒子的小一學位。婦人早... 詳情相關新聞
