【Emily】政府150人聽李家超分享兩會精神
[2023.03.25] 發表
【明報專訊】全國兩會結束後，唔少政黨團體紛紛舉辦全國兩會精神分享會，噚日就輪到政府內部搞，由特首李家超主持，超過150人出席。李家超話中央政府工作報告提到嘅好多重點，都值得進一步思考同落工夫，舉例香港作為國際金融中心，要有憂患意識同底線思維，準備唔同預案應對同化解一旦出現嘅重大經濟及金融風險。
李家超仲提到，現時內地以國內大循環為主體、國內國際雙循環互相促進，香港一定要扮演好重要橋樑角色，着力推動高質量發展。佢話香港同國家血脈相連，一國兩制喺香港實踐以來取得嘅成就舉世公認，特區會堅定確保一國兩制成功實踐，發揮自身長處、服務國家嘅需要。出席今次分享會嘅包括各司局長、行會成員、常任秘書長同部門首長等。
更多港聞
【Emily】環保交通遊西貢 九巴96R線明日免費搭
【明報專訊】九巴近年為減低耗油量，自行研發喺巴士車頂安裝太陽能裝置，供電畀車廂嘅冷氣系統同乘客設施，目標今年內車隊嘅一半，即係2000架有相... 詳情相關新聞
