【Emily】做事爽快 新天文台長陳栢緯綽號Top Gun
[2023.03.18] 發表
【明報專訊】天文台今個月換台長，今個星期展開退休前休假嘅鄭楚明前幾日已經去咗旅行，第一站係湖北省嘅恩施大峽谷，噚日喺facebook貼出幾張靚相(圖)。天文台噚日亦上載咗鄭楚明同新台長陳栢緯嘅訪問片，鄭爆料話陳有一個花名叫「TOP GUN」 ，因為做事又多又快。陳就話呢個綽號係以前一個老闆「畀面」幫佢改嘅。
鄭楚明又話新台長嘅研究好厲害，同行評審既著作已經唔知幾多百篇。陳台長話研究係佢嘅興趣，加入天文台可以維持佢對科學嘅興趣。
鄭楚明可謂「新冠疫情台長」，佢話2020年2月上任時疫情開始無耐，到佢離任，疫情就剛好過去，講笑話唔少同事嘅真貌，到最近先睇到。佢又話天文台係佢嘅第一份工，亦係最後一份，一做就34年。佢話自己愛科學愛研究，細路仔時無乜理想，就係鍾意睇天，「覺得好靚、好開心」，後來就加入天文台。
更多港聞
相關新聞
