【Emily】去知專交流，陳茂波著唐裝穿越老街
[2023.03.06] 發表
【明報專訊】財政司長陳茂波前日到訪香港知專設計學院，同一班修讀時裝設計、化妝造型同藝術科技等專業嘅學生除罩交流，佢喺同學指導下嘗試畫紙樣同「車衫」，並體驗虛擬場景拍攝過程，著上唐裝、坐住人力車穿越老街場景。
波叔喺片段話，覺得職專教育好重要，社會有唔同行業、有唔同功能，年輕人亦有唔同志趣，職專教育範圍好闊，鼓勵同學最緊要對有興趣嘅事追尋落去，時間就係佢哋最大本錢，相信佢哋喺自己選擇嘅行業一定會出類拔萃。
佢提到過去幾年政府持續增加對職專教育投入嘅資源，包括《財政預算案》推出為期兩年先導計劃，2023/24學年起畀中學生喺文憑試框架下同步修讀職專教育相關課程，讀完可以拎到文憑試證書同資歷架構第三級嘅職專教育文憑；同時再向「創意智優計劃」注資5億元，鼓勵更多跨界別同跨領域嘅創意文化合作項目。
更多港聞
【明報專訊】學校課本如屬全新或改版，須提交送審，達一定水平才可列入教育局的「適用書目表」。教育局就課本送審增設要求，局方回覆查詢稱，現行課本...
詳情
【明報專訊】香港大學教育學院前日（4日）舉行名為「知識薈萃：『香港教育與未來學習』創新程」的活動，來自大學、中小學的教育界代表參與專題分享及...
詳情
【明報專訊】教大電子學習與數碼能力研究講座教授暨教學科技中心總監江紹祥前日（4日）在港台節目《香港家書》稱，若人工智能工具ChatGPT（C...
詳情
相關新聞
