【Emily】防癌會花4年製手冊 陪病人及照顧者同行
[2023.03.02] 發表
【明報專訊】當親人患癌，唔少家人作為照顧者都會感到束手無策，有見坊間資訊零散，香港防癌會花咗4年籌備同編寫咗《「走過驚濤駭浪」癌症病人照顧者全面手冊》，小冊子有28個範疇，涵蓋西醫同中醫治療、紓緩治療、營養菜譜、情緒管理以至財務安排，陪伴照顧者同病人走抗癌路。
前高官王榮珍係手冊主編，佢話香港近年愈來愈多人患癌，患癌對病人同照顧者生命嘅衝擊好大，需要知識去面對，與其喺網上周圍搵資訊，不如睇吓呢本小冊子，小冊子亦觸及好多照顧者關注嘅日常實際問題，例如癌症病人交通、點買輪椅。香港防癌會主席朱楊珀瑜話有超過100名義工幫手製作小冊子同拍攝影片，包括醫護、設計師等，好感謝佢哋幫手。
小冊子印咗多個二維碼畀讀者掃描，可以連結去網站閱讀資訊或睇片，內容好豐富，例如有中大醫學院院長陳家亮喺「病人旅程」部分，分析癌症病人同照顧者喺唔同階段會遇見嘅問題同點樣面對，港大醫學院前院長梁卓偉就從公共衛生角度分析癌症，包括癌症成因同最新治療方案。
小冊子會喺防癌會、衛生署診所、康文署圖書館、東華三院等機構免費派發，有興趣嘅市民亦可以瀏覽網址(www.cancercarers.org.hk)。
更多港聞
【Emily】民記議員上深圳 試坐新能源「雲巴」
【明報專訊】全國兩會即將喺北京舉行，唔少人要北上，立法會因而休會，唔少議員就趁唔使開會外訪。民建聯多名立法會議員，同九巴代表噚日去咗深圳比亞... 詳情
【明報專訊】本港中學文憑試（DSE）考生可經「2023/24學年內地高校招收香港中學文憑考試學生計劃」報讀132間內地院校。申請人須於3月1...
詳情
【明報專訊】教育局近日宣布，向每間公營小學及直資小學發放一筆過20萬元的家長教育津貼，以協助學校啟動有系統的校本家長教育課程或活動。學校可在...
詳情
相關新聞
