【Emily】舊學生做民記社區主任 郭玲麗黨內活動重逢
[2023.02.25] 發表
【明報專訊】民建聯立法會議員郭玲麗做過小學教師，日前佢喺黨內活動遇到多年前嘅學生，原來對方入埋民建聯工作，個學生就係民記將軍澳支部社區主任施彬彬。郭玲麗憶述當年係施嘅班主任，噚日佢喺facebook上載兩人昔日合照，雖然事隔多年，佢哋外貌似乎都無大變。
郭玲麗話，早前參加黨內「學習中共二十大精神知識競賽」，聽到有人叫佢「郭生」，原來就係施彬彬，佢哋更喺比賽中對壘。郭話一直知道對方入咗民建聯，不過無見過面，眨吓眼間見到以前嘅學生長大，佢話「百般滋味在心頭，一段段回憶湧現在腦海中」。郭話透過生動有趣嘅形式推動愛國教育，相信可以引起青年興趣，期望未來能培育更多具愛國觀念嘅青年，成為社會棟樑。
更多港聞
相關新聞
