【Emily】楊雪盈著低胸裙 網民：入到庭？ 被問夜晚去邊 「去學崑曲囉」
[2023.02.18] 發表
【明報專訊】民主派初選案開審多日，噚日法庭外嘅亮點係被告楊雪盈嘅悉心打扮，佢一襲黑色低胸連身長裙現身。楊嘅相片係網上新聞出現後，連登討論區即有網民話佢呢個打扮係咪可以入法庭。據Emily所見，楊雪盈入法庭時有披頸巾。楊雪盈都識得抽自己水，噚晚喺社交媒體出帖，話突然間好多人問佢噚晚去邊，佢話「咪去咗學崑曲囉」，仲上載一張曲譜嘅相做證明。
楊入庭時有披頸巾
連日法庭外都有一班人通宵排隊攞籌搶旁聽位，但開庭時呢班人就無影。網媒「獨立媒體」日前就揭發一個叫「范功健」嘅人，涉畀錢招人排隊，仲發現呢位范先生同建制派團體有關連。
「范功健」認老闆畀錢排隊
建制派組織劃清界線
S.P.C國際年青才俊交流協會噚日喺社交媒體發聲明，同「范先生」劃清界線，話該組織及旗下嘅青年創業平台與「范先生」無關連，佢早喺年半前已卸任該會所有職務，「范先生所有個人行為與本會無關」。該會又話，本月15日已透過警方聯絡國安公署備案，仲話相信執法部門會秉公辦案。范喺facebook回應話自己只係一個中介，「有老闆願意支付人工我就安排人手排隊?這叫人力資源不是嗎？」又話唔知道對方背後目的。
更多港聞
【Emily】立會疫下3年首春茗 200官員議員破紀錄
【明報專訊】立法會噚日舉行新春午宴，主席梁君彥話呢次春茗別具意義，除咗係3年疫情以來立法會嘅第一次春茗，更係立法會成立以來最多人出席嘅宴會，... 詳情
【明報專訊】今屆政府宣布擴大「青年宿舍計劃」，第一個項目好快面世。青聯早前宣布同紀惠集團合作，改建銅鑼灣摩利臣山道嘅旭逸酒店做青年宿舍，青聯...
詳情
【Emily】數碼港STEAM分享日 19初創推介教學方案
【明報專訊】科技年代，政府推動中小學STEAM教育，之前推出「奇趣IT識多啲」及「中學IT創新實驗室」兩個計劃，分別喺3個學年向每間資助中小... 詳情相關新聞
