【Emily】辯中史必修 吳秋北：西方上古史多神話 列中學「必須學習經歷」修正案通過
[2023.02.17] 發表
【明報專訊】立法會噚日繼續辯論議員劉智鵬提出將中史列為高中必修科嘅無約束力議案。工聯會吳秋北發言時，認為必須加強青年嘅中史知識，更批評西方嘅上古史處處存疑，「大多數係子虛烏有嘅神話偽史」，又形容西方近代史「極端邪惡」。政府同多名議員都對議案有保留，立法會最終通過議員管浩鳴嘅修正案，僅支持將中史列為中學階段嘅「必須學習經歷」。
吳秋北話，應該通過歷史教育加強學生對中國文化同歷史嘅自信，仲要認知西方歷史嘅種種問題，「佢(西方歷史)嘅上古史，包括古希臘、古羅馬，就大多數係子虛烏有嘅神話偽史。佢嘅近代史更加係大多有戰爭侵略、殖民掠奪，用現代文明嘅標準，可以話係極端邪惡」。至於中國歷史方面，Emily翻查資料，亦有所謂「傳說時代」，即「三皇五帝」極少史料記載嘅上古時期。
蔡若蓮：影響難料 不考慮列必修
至於劉智鵬嘅議案，教育局長蔡若蓮表明唔會考慮，因為難以預計增設必修科嘅影響，相關配套亦需時部署，「欲速則不達」。
立法會最終通過管浩鳴嘅修正案，由原本建議將中史列為高中必修科，改為中學「必須學習經歷」。
更多港聞
【Emily】太陽能清涼休息站 為偏遠工友消暑
【明報專訊】本港舊年有52日發出「酷熱天氣警告」，係近10年新高，喺戶外工作嘅清潔工友同地盤工友最受影響，休息唔夠隨時中暑。職安局推出第一代... 詳情
【Emily】行人隧道天橋美化 地區風物變壁畫
【明報專訊】除咗全港清潔運動外，負責督導「地區事項統籌工作組」嘅副政務司長卓永興仲要搞埋美化市容，近日佢同路政署署理署長吳偉強去咗大埔、沙田... 詳情
【明報專訊】網上充斥詐騙信息，律師會都提醒同行提高警惕。律師會秘書長朱潔冰（Heidi）喺最新一期《香港律師》撰文話，假冒律師行同律師嘅騙案...
詳情
【明報專訊】政府喺舊年12月31日開始將「膠袋徵費」由每個膠袋5毫子加到1蚊，環團綠領行動喺今年1月18日至2月3日，去咗全港54間超市調查...
詳情
相關新聞
