【Emily】立會捐血日 陳家珮獻第一次
[2023.02.16] 發表
【明報專訊】香港紅十字會流動捐血隊噚日去到立法會綜合大樓，為議員同職員提供捐血服務，立法會主席梁君彥話，呢項有意義嘅活動因為新冠疫情停辦咗3年，隨住疫情消退，大家要復常，樂見捐血活動復辦，唔少議員職員鼎力支持。
新民黨陳家珮噚日就獻出「第一滴血」，話凡事總有第一次。佢話以前試過去捐，但當時因為身體抱恙被建議唔好捐血，噚日終於成功奉獻。 佢話捐血唔止幫到人，亦對自己好，大讚定期捐血有助降血壓、平衡體內鐵質、降低患癌風險、保持心血管健康，仲話可以當作身體檢查。佢黨友容海恩噚日都一齊參加。
工聯會陸頌雄就話自己「捐血十次成就解鎖」，指捐血促進新陳代謝，對身體有好處。勞聯林振昇就話呼籲市民踴躍捐血，一齊幫助更多有需要嘅人。立法會話噚日有53人捐血，包括20個議員，其餘係議助及秘書處職員。
更多港聞
【明報專訊】正當政府檢討緊區議會角色之際，民政及青年事務局長麥美娟（Alice）今日啟程訪問新加坡4日，包括到訪被稱為新加坡版「街道辦」嘅人...
詳情
初中公經社科教局發教材 涵公民權利、基本法、國安觀
【明報專訊】現時的初中生活與社會科將改革及易名為「公民、經濟與社會科」（公經社科），局方鼓勵學校於2024/25學年全面推行前，提早今年9月... 詳情
相關新聞
