【Emily】渣馬紙杯紙盒運喵坊 即場製紙漿
[2023.02.13] 發表
【明報專訊】每年渣打馬拉松賽事，數以萬計跑手都會製造大量垃圾，今年新冠疫情緩和下唔少人參賽，大會綠色伙伴長春社除咗喺終點設置回收站，協助跑手做好分類回收，今年更首次將賽道上收集到嘅紙杯、紙盒同紙包飲品盒，即日送到「Mil Mill喵坊」，並即場再造成紙漿原料，令有用嘅物料得以回收及再用，實踐循環經濟。長春社話，噚日一共收集到3.6公噸紙類物料。
噚日下午，喵坊網上直播佢哋喺元朗創新園接收渣馬回收物料及即場再造紙漿過程，喵坊創辦人葉文琪(Harold)話，跑手補給嘅紙杯有膠膜，同其他紙包飲品盒一樣，唔可以當一般廢紙處理，不過喵坊就可以將無用嘅垃圾過濾，並製成紙漿。
Harold又話，隨住香港復常，日後會舉辦更多大型賽事，希望舉辦活動嘅大會重現減廢，咁樣香港唔單止可以重塑盛事之都，更可以成為「減廢盛事之都」。
更多港聞
【明報專訊】中大昨晚舉行60周年校慶啟動禮，校長段崇智表示，中大校訓「博文約禮」引領校方透過提供優質教育，培育才德兼備、富責任感的良好公民，...
詳情
相關新聞
