【Emily】黃錦星緬公屋歲月 曬當年潮人Look

[2022.12.30] 發表

【明報專訊】香港粗略每3個人就有1個住喺公屋，尤其早年香港經濟啱啱起飛，前環境局長黃錦星都係其中一個。佢喺facebook分享話，細細個一家九口住慈雲山沙田坳邨，屋企人由幼稚園唐樓板間房「上樓」，住到自己大學畢業返工後先搬走，諗番都經常心存感恩。

沙田坳邨住到畢業環境靚人情好

黃錦星話，沙田坳邨係最小型公共屋邨之一，兩座相連，樓高廿層，得千零戶，但住戶之間人情好。而且屋邨環境好，左望飛鵝山峰，右觀獅子山尾，前俯瞰維港至港島，後傍最早一批郊野公園。

由於近期會幫電視台拍攝一集節目話當年，黃錦星搵番當年嘅相，Emily見佢戴烏蠅眼鏡配燈芯絨外套，都幾切合當時潮流。

更多港聞

【明報專訊】港鐵東鐵線過海段今年5月15日通車，沿線嘅金鐘站擴建部分同埋全新嘅會展站，近日獲得3個本地同國際知名設計同建築獎項合共5項大獎，... 詳情

【明報專訊】唔少人成日將新加坡同香港比較，新加坡財長黃循財（Lawrence Wong）噚日公布，將會喺出年嘅2月14號向新加坡國會報告新一... 詳情