【Emily】立會選委界補選 6候選人抽冧把
[2022.11.26] 發表
【明報專訊】6個立法會選委會界別補選嘅候選人，日前獲資審會確認資格，選舉事務處噚日抽籤決定各人嘅選票次序，依次係1號中大工程學院副院長黃錦輝、2號民建聯陳永光、3號新民黨何敬康、4號全國港澳研究會理事黃梓謙、5號商湯科技香港公司總經理尚海龍、6號工聯會李廣宇。
距離12月18日嘅補選投票日仲有約3星期，睇番6個候選人嘅社交平台，佢哋都陸續接觸各界別選委，包括金融界、金融服務界、會計界、科技創新界等專業界別選委，亦有候選人個別拜訪唔同嘅政協、社團代表選委，爭取支持，希望躋身4個立法會議席空缺。
資審會今日會刊憲公布候選人姓名、地址同候選人編號，選舉事務處下星期一(28日)就會搞網上候選人簡介會，由新任選管會主席陸啟康法官主持，講解補選安排。
更多港聞
相關新聞
