【Emily】太古搞展覽 述煉糖汽水航運等變遷
[2022.10.22] 發表
【明報專訊】太古集團喺香港有超過150年歷史，佢哋嘅產品同業務相信唔少香港人都熟悉。繼上年喺海事博物館搞展覽後，今年太古為咗慶祝特區政府成立25周年，再喺太古城中心搞展覽。展覽總共有6個主題展區，包括太古嘅「創業早期」、「從煉糖到汽水」、「航運演化」、「營造社區」及「建立航空樞紐」，介紹太古業務發展同香港嘅變遷。
今次展覽新增咗唔少互動體驗，有新裝置用射頻識別技術(RFID)，追溯國泰航空超過75年嘅發展，展示國泰嘅機隊、機員、航線網絡、機艙服務，以及港機嘅飛機維修工程嘅圖片；而一啲喺上年好受歡迎嘅裝置，包括模擬國泰商務艙機位，同埋畀參加者模擬著住機師、空姐制服嘅互動裝置，喺今年展覽都仲有。
今次展覽係免費入場，展期由今日起到11月6日，朝早10點半至晚上8點，地點係太古城中心中庭。有興趣嘅可登入exhibition.swire.com
了解吓。
更多港聞
【明報專訊】勞工顧問委員會勞方委員嘅選舉下月舉行，有13人角逐5席，包括以網絡紅人工作者協會主席身分參選嘅高松傑，佢同Emily講，呢個選舉...
詳情
【Emily】生日蛋糕寫「笑看風雲」 林健鋒：香港見曙光
【明報專訊】經民聯副主席林健鋒（Jeffrey）聽日71歲生日，佢幾乎年年都同班黨友切蛋糕慶祝，噚日佢就提早同班黨友食飯，仲專登去咗7月加盟... 詳情相關新聞
