【Emily】溫哥華首名華裔市長 係陳智思表弟
[2022.10.17] 發表
【明報專訊】香港移民第二代沈觀健(Ken Sim)當選溫哥華市長，成為當地首位華裔市長。原來Ken係行政會議前召集人陳智思(Bernard)嘅表弟，Bernard話自己喺表弟選前低調，唔講兩人關係，費事被人做文章「幫倒忙」，選後就可以恭喜吓表弟創黨及當選。
Ken嘅父母喺1967年暴動發生後移民加拿大，Ken喺加拿大出世。Bernard笑言印象中Ken嘅中文麻麻，好似識單字，兩個傾偈都係用英文。
沈觀健4年前都有參選，只係輸畀現任市長1000票。Bernard話先前都有同Ken討論過，又話溫哥華面對經濟治安轉差，當地人都對傳統政黨有少少厭倦，所以都估佢自己成立政黨有機會贏。加拿大政界目前對華態度都比較強硬，𠵱家做緊M+董事局主席嘅Bernard話，同未來市長政治上嘅交流可能比較難，但話溫哥華咁多香港人，相信兩地文化交流總有共同語言可以傾吓嘅。
更多港聞
科大擴圖書館 減學生會空間 學生批沒諮詢 校方：規劃後減空間閒置
【明報專訊】香港科技大學計劃擴建圖書館，同層的學生會及屬會場地面臨重置。綜合「科大學生會編輯委員會」報道，學生關注重置後空間被削減，其中屬學... 詳情
【明報專訊】「台灣各大學香港校友會總會」原定上周六（15日）起一連兩天舉行的教育展，先後遭3間中學煞停借用校舍，未有場地而需取消。過去多次在...
詳情
相關新聞
