【Emily】接43投訴冒認廉記 專員拍片篤爆騙徒
[2022.10.11] 發表
【明報專訊】廉署噚日喺facebook專頁上載宣傳短片，片中有人扮演騙徒，合謀假扮與內地公安、省檢合作，叫「水魚」存錢入廉署人員戶口，作為調查費同保證金；又聲稱市民嘅個人資料被盜、牽涉洗黑錢，要求市民開新戶口存錢，調查清楚後就會還錢，仲話相信「廉署聲譽咁好，佢哋一定信」。片中騙徒仲出埋鏡以影片博取事主相信佢哋係廉署人員，點知廉政專員胡英明就粉墨登場，指斥吸血騙徒已呃咗唔少市民嘅血汗錢，仲離譜到大膽出鏡呃人。
廉署話今年首9個月接到43宗涉及冒充廉署人員嘅投訴，指本港近期電騙案有明顯升幅，有騙徒睇準市民對廉署嘅信任，冒充廉署人員，以清查資金等為由，要求受害人開銀行戶口、匯款同轉帳，以騙取金錢。廉署提醒市民要小心核實來電者身分，強調廉署唔會要求市民開銀行戶口或存錢入指定戶口；又透露早前有市民收到詐騙電話，向廉署查詢後，獲廉署協助即時通知銀行取消140萬元匯款，避免金錢損失。
更多港聞
反修例釋囚：五度求職碰壁 蛻變計劃倡政府牽頭聘被捕青年
【明報專訊】2019年反修例事件逾萬人被捕，約四成人是學生，部分人陸續服刑完畢，但走出鐵窗之外，或因案底面對求職困難。為反修例案件被捕青年提... 詳情
【明報專訊】反修例事件自爆發至今逾3年，警方昨日回覆本報，由2019年6月9日至今年8月底共拘捕10,279人，有4010人是學生，當中29...
詳情
相關新聞
