【Emily】新款5座的士 輪椅客直接上車 預約費120蚊 組織話貴盼規管
[2022.10.07] 發表
【明報專訊】大昌行汽車同星群的士噚日起引入兩部新款多用途五座的士(Serena e-POWER)，試驗4至6個月，計劃下一階段推出100部同類的士。新款的士車尾設有輪椅上落斜板，方便輪椅使用者直接上車，仲設有輪椅專用安全帶。新的士預約費同其他無障礙的士一樣需要120元，有傷殘人士組織覺得預約費太貴，希望政府可以規管。
兩車試行半年 下階段擬推百架
Emily噚日去咗睇，新款的士中排設有兩個可移動獨立座位，方便同行乘客照顧後排嘅輪椅使用者。新車屬混能車，廢氣排放較少，每部約40萬元；收費同一般的士一樣，亦可以用信用卡付款，預約費就同其他無障礙的士一樣需要120元。
路向四肢傷殘人士協會主席嚴楚碧噚日亦有試用新款的士，話車身較寬落，坐得比其他的士舒服。佢話𠵱家有部分無障礙的士喺側門上落輪椅，易因路面情况而發生危險，新的士用後門上落輪椅，較方便同安全，期望可以盡快增設500至600部無障礙的士。佢認為，目前輪椅使用者坐的士最大困難係預約費太貴，只會喺無其他交通工具時先會去搭，長遠希望政府可規管預約費。
星群的士就希望新款的士可以提升本港整體的士服務水平，滿足更多市民唔同需要，同時亦期望多用途的士將來更普及。
更多港聞
【明報專訊】立法會社福界前議員邵家臻噚日去咗荔枝角收押所，探望因「35+初選案」被控串謀顛覆國家政權還押嘅民主黨前主席胡志偉。香港近期放寬入...
詳情
【明報專訊】香港嘅「派膠」情况嚴重，環保團體「綠領行動」調查發現，本港仲係有76%物業派發雨遮膠袋，推斷今年雨季派咗1336萬個，比2017...
詳情
【Emily】接鄧家彪棒 工聯會林偉江參選勞顧會
【明報專訊】勞工顧問委員會勞方委員選舉下月12日舉行，下周二（11日）截止提名，現屆勞顧會委員之一嘅工聯會立法會議員鄧家彪早前宣布唔競逐連任... 詳情相關新聞
