【Emily】參觀中大創業日 段崇智玩VR射擊
[2022.09.24] 發表
【明報專訊】中文大學創業日噚日起一連兩日舉行。校長段崇智噚日參觀創業項目互動展示區時，忍唔住戴上VR眼鏡玩一款「射擊電子競技」遊戲。佢喺開幕典禮致辭話，中大一直提倡透過研究與創新嚟創造價值，創業日正正可以畀有志創業嘅師生校友，借鏡創業成功個案，希望佢哋開拓與投資者嘅網絡，喺創業路「敢於突破，創造無限可能」。
創業日喺中大康本國際學術園舉行，今年主題係「創伴同行，躍動未來」，節目包括網上與實體創業展覽、主題講座同創業大師班等，更新增「初創人才配對及單對單創業諮詢」。今日亦係第6屆「中大創業大賽」決賽日，冠亞季軍將獲頒合共10萬蚊獎金，仲新增最受歡迎大獎，由網上參加者、出席決賽嘅現場觀眾投選最喜愛隊伍。
更多港聞
相關新聞
