【Emily】培養尊重私隱 私隱署辦小學生短片賽
[2022.09.20] 發表
【明報專訊】個人資料私隱專員公署噚日推出「尊重私隱 由我做起」小學生短片創作比賽，提高學生哥對保障個人資料私隱嘅意識，等佢哋明白尊重別人個人資料私隱嘅重要，以及認識網上活動潛在嘅私隱風險。比賽設有多個獎項，勝出隊伍將獲邀出席頒獎禮並獲頒書券同獎座，其中「最強保衛私隱獎」冠軍得主仲會獲得3000元書券。
比賽採用隊際形式，對象係小學三至六年級學生，每個參賽隊伍要喺3個短片主題之中，揀一個嚟製作一條兩分鐘以下嘅短片，分別係「尊重別人的個人資料私隱」、「向網絡欺凌說『不』」、「上網提高警覺 披露個人資料要小心」。私隱專員公署希望學生可以喺創作過程中，了解點樣喺網絡世界保障個人資料，並且培養尊重別人個人資料私隱及向網絡欺凌說「不」嘅意識。
更多港聞
【Emily】鄧炳強遊中大拍片 返應林堂嘆唔同晒
【明報專訊】保安局長鄧炳強係中大舊生，佢日前趁出席中大開學升旗禮後重遊校園，仲拍埋短片噚日放上facebook，特別提到希望同學好好珍惜在學... 詳情
相關新聞
