【Emily】David Webb回應盧寵茂批彭博 「任何政府內部都可有唔同意見」
[2022.09.05] 發表
【明報專訊】彭博社上周報道，話政府內部對11月前放寬隔離意見分歧；醫務衛生局長盧寵茂喺網誌不點名大罵彭博，並反駁政府內部抗疫路線上無分歧，連《延禧攻略》同影星奇連伊士活都搬出嚟做例子，網誌言論引起迴響。獨立股評人David Webb就喺Twitter話，任何政府內部都可以有唔同意見，及就政策有健康甚至激烈嘅辯論，盧寵茂今次言論顯示港府唔行呢一套，反而走去怪責傳媒。Webb仲喺帖文標註「Groupthink」(團體迷思)，唔知係唔係想話政府內部得一種聲音？
資深記者、香港外國記者會主席瑞凱德(Keith Richburg)都話，官員不同意或辯論政策，係完全正常及健康嘅事，反而如果政府內部人人意見一樣，好多時會導致政策失誤。
與此同時，建制派有聲音要求收緊抗疫措施。前特首梁振英喺facebook就提到英美傳媒對有關「長新冠」後遺症嘅分析報道，佢又話香港打針人數仍然偏低，認為除咗呼籲之外，係時候用強制手段，又反問「以目前的確診數，通關有可能嗎？」
星港兩地接種兩針疫苗率其實差唔多，都達到九成，主要分別係長者比例上，新加坡有逾九成，香港至昨日60歲及以上的3個年齡層分別只有67%至87%。
更多港聞
【Emily】劏房戶為子置二手鋼琴 鄧炳強探訪讚得獎爭氣
【明報專訊】新一屆政府話要處理跨代貧窮問題，司局長不時落區探訪基層，保安局長鄧炳強噚日就去觀塘探劏房戶。安排官員探訪嘅觀塘區議會主席柯創盛（... 詳情
【明報專訊】早前卸任安老事務委員會主席嘅行政會議成員林正財，最近接受中新社專訪，大談點樣應對安老服務嘅三座大山，即係「錢」、「地」、「人」。...
詳情
相關新聞
