【Emily】外傭政策13建議 民建聯倡設監管局
[2022.08.31] 發表
【明報專訊】新冠疫情下一度鬧外傭荒，亦衍生外傭「跳工」等問題，民建聯家庭事務委員會噚日向特首提交「完善外籍家庭傭工政策倡議」，提出13項有關外傭政策嘅建議，包括成立外籍家庭傭工事宜監管局等。民記家庭事務委員會主席顏汶羽提到，收到最多嘅投訴包括外傭中介收費不明、外傭服務質素同面試時有差異、外傭「斷約跳工」等，該委員會委員蕭煒忠仲話，「跳工」問題喺第五波疫情期間特別嚴重，有僱主曾投訴，外傭提出完約後兩個月，喺同一個屋苑撞番個外傭，仲發現佢跳工後人工倍增至每月1.2萬元。
針對「跳工」問題，民建聯建議政府增設「提早完約賠償費用」，另外除非有合理原因，如果外傭未能如期完成合約，必須於7天內離港等。民記其他建議包括設立外傭查詢及專責部門、加強打擊違規中介公司同「跳工」外傭、規管外傭宿舍、訂立外傭中介機構評分制度等。除規管以外，佢哋亦建議設立外傭借貸指引、為僱主設獨立嘅資訊網站、容許以聘請外傭嘅開支扣稅等。
更多港聞
【明報專訊】下周六（9月10日）就係中秋節，近日新冠病毒疫情雖然反彈，相信唔少人仍想同親友共聚賞月。天文台話，中秋節當晚，滿月會於「月出」前...
詳情
相關新聞
