【Emily】內地玩家投訴「港獨」 港線上麻將選手退賽
[2022.08.15] 發表
【明報專訊】遊戲界近日發生咗一場風波，話說有香港玩家獲邀參與線上日本麻將比賽「Shimmer-Invitational」，不過賽前突然因為中國內地對手投訴唔想同佢作賽，最終由香港玩家選擇退賽收場。涉事嘅香港選手「魔女」(Puyo)喺Twitter話對事件感到無奈同可惜，又話自己線上直播都係講遊戲，唔講政治。
涉事內地玩家、網名「No.0001」用戶就喺Twitter話，向主辦單位投訴，「原因就是你(「魔女」)是頑固的港獨分子，我們不屑與你為伍」，又話「麻將是單純的遊戲，但我們有權利選擇一起玩的伙伴」。言論一出，就被台灣及香港網民鬧番轉頭，「No.0001」就辯護話，拒絕作賽，係因為「魔女」過去支持「港獨」同「武漢肺炎」言論。「魔女」就喺Twitter還擊，批評對方將歪理講到理直氣壯。
翻查「魔女」網上文章，曾經分析內地麻將平台實名制導致流失部分玩家，以及用「武漢肺炎」一詞。
更多港聞
【Emily】幫襯「撐警Kate姐」茶記 麥美娟食鮮油多
【明報專訊】民政及青年事務局長麥美娟（中）前日同政助張進樂（右），到鯉魚門銀龍咖啡茶座，幫襯高調撐警嘅老闆娘李凱瑚（Kate姐），仲同Kat... 詳情相關新聞
