【Emily】吳傑莊設「元宇宙議辦」 可同時招待百人
[2022.05.05] 發表
【明報專訊】唔同派別立法會議員上任後都陸續開地區辦事處，選委會界別吳傑莊(Johnny)除咗開地辦仲搞搞新意思，開咗個「元宇宙議員辦公室」。根據展示，元宇宙辦公室其實更似一塊虛擬土地，上面有辦公室、畫室、課室，可以安排市民視像對話、分享電腦畫面，方便跟進查詢，仲有畫廊、演講廳、廣場，可以即時參觀睇片睇相，甚至可以用虛擬實境裝置加強現場感。
Johnny解釋，先前喺葵涌邨開地區辦公室，不過就發現日間多數係長者上門求助，年輕人比較少去，要思考吓以其他方式接觸年輕人，所以嘗試提供線上辦公室同諮詢服務，又可以突破實體辦公室嘅限制，亦唔會受疫情所限。
科技顧問彭宗欣就話，實體辦公室受面積限制，「元宇宙議辦」就視乎流量，初步評估同一時間可以招待約100個市民。
Johnny同時趁五四搞咗個「五四青年節攝影比賽」，收到約100份參賽作品，會放喺元宇宙辦公室個畫廊度展出。
更多港聞
【明報專訊】噚日5月4日係五四青年節，除咗特首選舉唯一候選人李家超見青年團體成員，唔少政界都就此發表評論，大談青年愛國情操，包括特首林鄭月娥...
詳情
嶺大收回「虎地書室」場地 學生自資經營 管委會歸學生會架構
【明報專訊】2017年開業、位於嶺南大學校園的「虎地書室」須搬離現址。嶺大繼公布5月7日（周六）收回學生會及其屬會位處的康樂樓、民主牆及報告... 詳情
八大非本地生升至17.9％ 港大科大逾20％上限
【明報專訊】現時8間資助大學及部分自資院校均有取錄非本地生。教育局昨日以書面回覆議員提問時，提供有關收生數據，8間資助大學中，7間的非本地學... 詳情
相關新聞
