【Emily】李家超fb中文被彈 何君堯批網民仲渣
[2022.04.25] 發表
【明報專訊】有網民開設facebook專頁，批評特首候選人李家超競選專頁中文水平不濟。國際關係學者沈旭暉日前喺facebook分享，話李家超嘅專頁疑似跟從網民評語改正，引嚟立法會議員何君堯留言反駁。何君堯話，如果喺批評者眼中「中文差，樣樣渣」嘅李家超都能當選特首，證明批評者「仲渣」。
沈旭暉分享網媒「同文」嘅文章，提到網民開專頁「每日關注李家超中文水平」，每日批改李家超競選專頁嘅中文用字、文筆等，而李家超團隊事後亦有修正，修改地方同專頁嘅批評大致相同。何君堯留言批評後，有網民再留言反擊，話好同意佢嘅講法，因為唔使投票，已經肯定李家超會當選。亦有網民話，以為何君堯好叻，但佢做唔到特首，發現原來佢仲渣。
更多港聞
籲家長事前解說 切勿強迫 幼園生如拒快測 校長：接受告假
【明報專訊】全港幼稚園下周二（5月3日）起可恢復面授課，幼兒返學前須做快速抗原測試。有幼稚園校長料在復課初期，個別幼兒或不適應每早快測；如子... 詳情
相關新聞
