【Emily】鄭泳舜康復出關 體會市民染疫之痛
[2022.04.19] 發表
【明報專訊】民建聯立法會議員鄭泳舜(Vincent)本月10日做新冠病毒快測時，結果呈陽性，佢上報衛生署後，根據當局嘅隔離令自我隔離。Vincent噚日喺facebook上載自己拎住快測結果呈陰性嘅檢測棒(圖)，宣布已康復，佢話喺確診後第6、第7日，連續兩日快測結果都係陰性，完成隔離可以「出關」。
Vincent感謝大家過去幾日嘅鼓勵同支持，仲話深切體會到市民確診後遇到嘅困難，不忘呼籲大家繼續做好防疫措施，未打疫苗嘅就盡快打針。
染疫期間Vincent維持在家工作，上星期亦有出席立法會財務委員會特別會議，關注香港籃球總會放棄出戰亞洲盃外圍賽嘅事件；之後開Live主持「抗疫體育堂」，同東京奧運乒乓球女團銅牌得主蘇慧音、前香港乒乓球代表麥子詠傾偈，傾咗超過個半鐘。
更多港聞
相關新聞
