【Emily】網上國安教育 偕探員查黑客 一哥：網絡安全天下太平
[2022.04.16] 發表
【明報專訊】噚日係「全民國家安全教育日」，今年因為疫情關係，唔少實體活動都取消咗，警務處就同油尖旺區議會合作推出「線上微電影互動遊戲活動」，模擬觀眾同網罪科探員調查「香江大學」伺服器被入侵，導致泄露個人資料事件，觀眾仲可以估邊個部電腦被入侵。
警務處長蕭澤頤喺介紹活動嘅短片話，疫情下好多人都改為網上學習同網上工作，成為新常態，警方接獲嘅網上罪案亦上升，有必要加強大家網絡安全意識。蕭sir話如果每個人都提高警覺，保障網絡安全，整個城市以至國家就天下太平。片尾仲有有獎問答遊戲，答得最好50人，獲特別版國家安全教育對對碰遊戲卡。
兒童繪本宣傳中國航天科技
另外，根據國家安全教育日嘅網頁，主辦單位推出咗一本《天上的星星不簡單》本地彩色兒童繪本，宣傳中國航天科技成就，帶出太空安全概念。網頁亦都載有一條長約5分鐘嘅特備節目，由藝人陳芷菁主持，介紹「總體國家安全觀」要旨。
多個紀律部隊噚日都喺社交平台發帖，警隊就話前年11月推出「國安處舉報熱線」至今，已收到超過25萬個舉報。
更多港聞
【Emily】團體抗疫包雪中送炭 基層：安心感動
【明報專訊】第五波疫情爆發，早前確診個案屢見新高，有抗疫物資價格一度被抬高，對基層雪上加霜。基督教勵行會2月中起向服務使用者派發2500個「... 詳情
【Emily】「方艙俠」貼圖登場 「服務入住者需要」
【明報專訊】保安局噚日推出「方艙俠 」WhatsApp貼圖（圖），一套十款，包括寫有「齊心抗疫」、「保重身體」等字眼。保安局介紹話，方艙俠係... 詳情
【Emily】鄭泳舜孖運動員拍片 鼓勵「郁from home」
【明報專訊】下周四起，康文署轄下室內、室外體育處所同埋健身中心重開，相信一眾運動愛好者已等到頸都長埋。雖然場所重開，但仲有好多社交距離措施限... 詳情相關新聞
