【Emily】反駁田二少稱未見政綱難提名 李梓敬：一向先攞提名後發政綱
[2022.04.15] 發表
【明報專訊】前政務司長李家超日前報名參選特首，獲87個立法會議員提名，但唔包括實政圓桌田北辰；田北辰解釋因為對方未有政綱。新民黨李梓敬噚日喺facebook反駁，話自己一向都係先爭取提名，競選期間先會公布政綱，又話傳媒質疑李家超未有政綱就攞到咁多提名係「偽命題」。
李梓敬話，佢參選一向先爭取提名，然後公布政綱。對於有人質疑未有政綱如何爭取選民提名，佢覺得「政綱其實係人都識寫，寫到天花龍鳳都得」，但選民會否提名或支持參選人，係取決於對佢過往工作有無信心，同埋係咪相信佢會兌現承諾。
不過，Emily睇番新民黨主席葉劉淑儀參選上屆特首選舉時，早喺2016年12月中旬就公布長達49頁嘅競選政綱，之後先爭取選委提名，最終喺翌年3月宣布唔夠提名退選。至於李梓敬去年參選立法會，佢喺報名遞交提名當日，亦公布咗多項主要政綱。
更多港聞
【Emily】立會議辦「搞相展」 陳學鋒：添生氣
【明報專訊】民建聯立法會議員陳學鋒前日喺facebook上載相片，佢企喺一幅貼滿相嘅牆前面，留言形容係「陳學鋒個人作品展」，原來全部都係佢用... 詳情
【明報專訊】新世界發展上月推出香港首個大型捐贈配對網上平台「Share for Good 愛互送」，獲社會各界支持。新世界噚日公布，首階段僅...
詳情
相關新聞
