【Emily】抗疫義工同盟設基金 染疫義工可獲5000元
[2022.03.14] 發表
【明報專訊】由全港社區抗疫連線聯同香港義工聯盟組成嘅「全港抗疫義工同盟」(同盟)，噚日宣布設立「義工關愛基金」，會為確診義工提供一次過5000元嘅援助，亦為義工提供免費酒店住宿，減低其家人感染風險，希望令義工無後顧之憂咁投入抗疫工作。
曾做區議員 陳百里上門派物資
基金主席譚鎮國話，首階段希望籌得3000萬元，會為1萬名已經喺同盟登記嘅義工提供支援。佢話基金設有審批小組，通過義工申請後，會將援助金直接存入義工個人銀行戶口，預計由申請至發放援助約需一星期，希望款項可以畀染疫義工應急。譚指受惠者暫時未有數字。
商經局副局長陳百里連日都有做義工幫手，佢日前去到曾經做過區議員嘅坪石邨。該邨污水監測呈陽性，佢話作為前「保長」，除透過短訊慰問街坊，亦略盡綿力做「步兵」，將物資送到有需要家庭。睇陳副局上載嘅相，佢一身保護裝備，手持兩大袋物資。
紡織業「殺新冠手套」捐超市人員
另外，紡織及製衣界上月成功研發「殺菌殺新冠病毒防護手套」，繼早前捐畀「抗疫的士」司機，香港紡織業聯會會長陳亨利前日協調業界，再送贈300對殺新冠手套畀華潤旗下「U購Select」超市嘅前線人員。
更多港聞
【Emily】清洪函特首談抗疫 「無人支持閣下手法」
【明報專訊】港府處理疫情策略引起批評，資深大律師清洪（圖）噚日喺報章寫公開信畀特首林鄭月娥，佢喺信中解釋，過去從未覺得要致函在任特首，但凡事... 詳情
【Emily】江玉歡批部門協調 引友留言「出聲就話黃」
【明報專訊】港澳辦主任夏寶龍主持第八次援港抗疫協調會，提到特區政府要「強化部門間統籌協調」。選委會界別立法會議員江玉歡（Doreen）噚日喺... 詳情
【明報專訊】全國政協委員施榮懷上月喺深圳隔離，新冠核酸檢測呈陽性，因而未能上京參加兩會，噚日喺深圳第三人民醫院嘅第18日，仲等緊轉陰性。佢解...
詳情
【明報專訊】唔少政界人士都確診新冠，最新名單就有去年參選立法會落敗嘅離島區議員方龍飛。佢喺facebook話上星期三（9日）感覺鼻咽有啲不適...
詳情
相關新聞
