【Emily】保安局3.1萬月薪請隔離設施管理助理
[2022.03.03] 發表
【明報專訊】由中央援建、位於青衣嘅社區隔離設施(又稱方艙醫院)前日開始接收新冠患者，負責管理設施嘅保安局，招聘「社區隔離設施內務管理助理」，月薪高達3.1萬元，只需有中五學歷、已打兩劑新冠疫苗、有最少兩年旅遊業經驗或體育總會認可嘅有效教練或導師證書等條件，就符合資格申請，主要負責處理檢疫者入住同離開事宜。呢份筍工合約期3月至5月，其後可按月續期。申請人同時要簽聲明表明擁護《基本法》同效忠特區。招聘今午截止。
要求中五學歷 聲明擁護《基本法》
另外，附屬新地嘅SmarTone噚日宣布，會為10個社區隔離治療設施地點搭建5G網絡，首兩個已經開始鋪設5G網絡嘅係元朗潭尾、新田社區隔離設施，預計未來幾星期內完成，公司又會向入住社區隔離設施嘅市民免費借用數據卡。
而信和及旗下黃廷方慈善基金就捐500萬元畀醫管局，支援轄下醫院兒科服務，包括兒童醫院，期望畀醫管局添置醫療設備、藥物同抗疫物資。
更多港聞
【明報專訊】香港賽馬會噚日宣布，由下星期二（8日）起，六合彩每個星期攪珠，會分別喺逢星期二同五舉行，不過仍然無得到投注站排隊買彩票。馬會發言...
詳情
【明報專訊】國家藝術基金管理中心前日（3月1日）公布今年嘅資助名單，香港第一次有9個項目入圍，6個係舞台藝術類項目、3個係美術類項目，當中包...
詳情
【明報專訊】多名港區人代同政協因曾與新冠確診者接觸而喺深圳延長隔離，無得上北京出席兩會，最新加入嘅包括工聯會林淑儀，其他人就按原定計劃今日上...
詳情
【明報專訊】政府將推行全民檢測，教育局已視察400多間學校，評估是否適合作檢測場地。有學校昨稱已接當局通知須徵用校舍，校方提早外展新冠疫苗接...
詳情
相關新聞
