【Emily】東鐵線12站用對比色 九龍塘站變「藍綠」
[2022.03.02] 發表
【明報專訊】港鐵月台顏色一直係辨別車站嘅好方法，港鐵為配合東鐵線過海段年中通車，將會喺旺角東站同以北12個車站月台，首度採用對比顏色，例如𠵱家係藍色嘅九龍塘站將變成「藍綠」色，大圍站就會由藍色改為「藍紅」色，月台轉角位、出入口同扶手梯口都會用上對比色馬賽克圖案，可以指引乘客，亦可增加月台辨識度。
港鐵署理總建築經理鄭珏慧話，對比色係東鐵線嘅新嘗試，而每條線有不同個性、不同設計。港鐵亦會為月台支柱及喉管重新髹漆、改善標示、加強照明同通風等。
10車站加入歷史圖片做裝飾
除咗落馬洲和羅湖站空間較細之外，九龍塘、大圍、沙田同旺角東站等10個車站會加入歷史圖片做裝飾，例如九龍塘站用咗1983年九鐵舊式列車照片，經馬賽克圖像化處理，乘客並可以透過QR碼連結睇番張相嘅原貌同歷史資料，車站亦會印上又一城同城市大學等地標圖片，加強車站歸屬感。九龍塘站月台噚晚開始動工，整項車站更新會喺5月底前完成。
更多港聞
快測陽性強檢隔離不設補考 DSE生憂「快測定生死」
【明報專訊】新冠疫情影響中學文憑試（DSE）安排，考評局前日（2月28日）宣布暫定4月22日筆試如期開考。將迎接人生一場重要的公開試，DSE... 詳情
【明報專訊】學校最早安排下周一（3月7日）提前放「暑假」，亦可按安排課業、行政進度，最遲3月17日放。教育局長楊潤雄稱，若維持網課安排，在稍...
詳情
【明報專訊】教育局昨公布，向參加「幼稚園教育計劃」的幼稚園、直資學校及按位津貼學校提供一筆過津貼，改善校舍通風，涉及總撥款額約7000萬元。...
詳情
相關新聞
