【Emily】用長者樂悠卡搭車 狄志遠：感尊重
[2022.03.01] 發表
【明報專訊】政府樂悠卡計劃前日(27日)起實施，年滿60至64歲嘅長者用樂悠卡，都可以享用兩蚊搭車優惠。64歲嘅社福界立法會議員狄志遠噚日就率先試用嚟搭港鐵，並喺facebook形容感受到一份尊重(圖)。佢同Emily講，噚日係來往北角同油麻地，話於疫下外出，係因為有心人送快速檢測包畀社福機構，佢負責聯繫、交收，所以先出門。佢呼籲60至64歲市民喺呢段疫情期間要節制，唔好貪得意住呀。
狄志遠話，原本計劃要「濫用」樂悠卡，搭巴士、港鐵、輕鐵、電車、船等，但因為疫情而改變計劃，「唔好搞咁多嘢」。
佢認為，60至64歲人士都可以兩蚊搭車係一份尊重，佢一直爭取，而呢個唔係老人優惠，而係退休人士對社會有貢獻；疫情下優惠更係及時雨，對基層有一定作用，最重要係令佢哋感受到社會嘅尊重。
更多港聞
DSE暫4．22開考 每日試前須快測申報 虛報或DQ要負刑責 因疫缺席可申評審成績
【明報專訊】新冠疫情嚴峻，考評局昨日宣布中學文憑試（DSE）筆試暫定如期4月22日開考，最遲4月初確定。今年新增防疫規定，考生將獲快速抗原測... 詳情
相關新聞
