【Emily】立法會下月中大會 只審有立法效力議案
[2022.02.26] 發表
【明報專訊】立法會近日出現多宗新冠病毒個案，內會噚日開會，內會主席李慧琼話𠵱家抗疫壓倒一切，下月16日立法會大會只會處理有立法效力嘅議案，就係公共財政條例有關嘅擬議決議案，其他無立法效力嘅議員議案同質詢要取消。
審綜援金額 林琳離題問公僕培訓
另外，立法會財委會噚日開會，討論到上調綜援標準項目金額同公共福利金計劃嘅津貼金額，民建聯林琳疑似擺烏龍，喺呢個項目離題問及有關公務員培訓等問題。參與會議答問題嘅勞工及福利局副局長何啟明，聽到問題都停一停，提醒今日會議係審議綜援金額，而財委會主席陳健波都有開口提醒。林琳即時話「知道喇」，就冇再問落去。
選委會界別議員黃元山則喺呢個項目借題發揮，講到安老院舍喺疫情下物資不足，但陳健波明言應該聚焦討論撥款，仲叫其他議員唔好學呀。
更多港聞
【明報專訊】新冠病毒疫情嚴峻，有第3個立法會議員中招，西九新動力立法會議員梁文廣前日接受鼻咽拭子採樣檢測，噚日收到檢測結果初步陽性。
...
詳情
【Emily】九龍城區議員左滙雄仔女 打針喊晒口
【明報專訊】九龍城民政事務署噚日聯同區內主要地區委員會及機構，為3歲以上急需疫苗保護嘅人接種科興疫苗。是次接種活動涵蓋唔同年齡層，從幼兒園學... 詳情相關新聞
