【Emily】民研：四成半人指不應限聚 半年首跌穿五成
[2022.02.23] 發表
【明報專訊】第五波新冠疫情大爆發，政府一再收緊社交距離措施，早前限聚令由4人收緊至2人。香港民意研究所調查發現，約四成半受訪者認為唔應該設限聚令，係自去年8月以嚟，數字首跌穿五成。復興經濟民生大聯盟成員任偉豪認為，今次疫情一系列新聞，令市民恐慌，認同用較緊嘅限聚令。
雖然政府再收緊措施，但民研噚日公布限聚令民意調查發現，只有45%受訪者認為現行限聚令太緊，比起上一次調查大跌12個百分點。44%受訪者認為唔應該設限聚令，數字係自去年8月至今首次跌穿50%。
幸福指數 享政治權利續最低分
至於10項社會幸福指數，只有人身安全、享有個人自由及有合適就業機會3項，喺10分之中取得超過5分。比起上年10月底嘅調查，司法程序公正嘅分數變化最大，上升0.37至4.9分；而享有政治權利依然係最低分，只有3.97分。
任偉豪話，過去一段長時間，都有逾六成市民覺得唔應該設限聚令，但近來確診數字大升，加上一系列疫情消息，令市民恐慌，因此較之前更認同要收緊限聚令。
更多港聞
【Emily】陳帆自由黨議員 冷雨夜迎水路供港貨
【明報專訊】星期一午夜時分，運輸及房屋局長陳帆，以及自由黨立法會議員易志明、李鎮強等，喺冷雨夜去咗葵涌現代貨箱碼頭視察，原來係迎接13個載有... 詳情
【明報專訊】疫情下市民檢測後，就算不幸中咗新冠病毒，都要等通知「確診」。早前染疫嘅民建聯會計界立法會議員黃俊碩就有親身經歷，佢噚日喺民建聯網...
詳情
【Emily】海關開fb同ig 何珮珊客串拍片宣傳
【明報專訊】香港海關噚日喺facebook上載咗一段30秒片段，話喺2022年2月22日咁特別嘅日子，佢哋正式推出兩個社交媒體帳號，即fac... 詳情
相關新聞
