【Emily】財案2．23視像宣讀 議員Zoom住睇
[2022.02.16] 發表
【明報專訊】財政司長陳茂波會於下周三(23日)發表任內最後一份《財政預算案》，疫情下，財爺會以視像形式向立法會宣讀，議員透過Zoom遙距參與。至於翌日(24日)嘅財務委員會，由陳茂波同財經事務及庫務局長許正宇出席解答提問嘅會議，立法會就話屆時用實體會議抑或遙距會議形式舉行，由主席喺接近會議日期時決定。
每年財爺宣讀預算案後，各黨派都會輪流喺大樓記者室見記者，回應對預算案嘅睇法，今年無咗實體會議，立法會秘書處會為議員開設兩間虛擬會議室，畀議員舉行簡報會，每間虛擬會議室將各設10節使用時段(共20節)，每節使用時段為20分鐘。議員必須湊夠5人或以上名單，先可預留使用時段；如果「單頭」議員未能組成5人名單，秘書處將按遞交回條嘅次序，安排議員組成名單使用。
更多港聞
【Emily】楊潤雄元宵出帖 4個Emoji猜燈謎
【明報專訊】噚日農曆正月十五元宵節，唔知大家有無食湯圓、猜燈謎應節？教育局長楊潤雄就喺facebook出帖，祝大家平安團圓，話雖然要留家抗疫... 詳情
提醒學校「體現國歌莊嚴」 教局指引：奏國歌後禁立即奏唱其他歌
【明報專訊】學校今年起每個上課天須升掛國旗、每周辦升旗禮。教育局近日更新《國旗、國徽、國歌和區旗常見問與答》，提醒學校舉行升旗禮時，奏唱國歌... 詳情
【明報專訊】新冠疫情嚴峻，教育局前日（14日）宣布中小再延長停止面授至3月6日，小六下學期舉行的第3次呈分試取消，改為評首兩次。津貼小學議會...
詳情
相關新聞
