【Emily】患者滯劏房 鄧家彪上門送物資
[2022.02.12] 發表
【明報專訊】第五波新冠病毒疫情嚴峻，唔少市民確診後都要等一排先獲送院。工聯會鄧家彪本月8日接到觀塘前區議員馬軼超求助，觀塘某唐樓一個單位劏開5室，共住有3個家庭、11人，當中有人初確，雖然佢哋喺9日集體報警後獲送急症室，但10日初確者同另外5人分別喺醫院「自行」回家等安排，6人全部確診，至噚日晏晝4點都冇支援。阿彪噚日同戰友一身保護衣(圖)，為劏房戶隔門送上佢哋急需嘅物品同食品。
阿彪喺facebook話，相關劏房戶共用廚廁，噚日喺立法會衛生事務委員會已反映情况，話劏房不能用作家居檢疫，患者不應自行回家，居家期間不應只有指引而沒有支援。佢引述，政府官員同醫生全部直認不適當、會處理，但佢喺fb話「咁又點樣呀！明知再苛責下去，香港醫療體系和抗疫力量正瀕崩塌」，所以阿彪同戰友自發向劏房戶隔門送物資，阿彪同Emily講，之後已即時做檢測。
更多港聞
相關新聞
