【Emily】再發選特首政綱 冼國林倡教師須考國教
[2022.02.04] 發表
【明報專訊】早前宣布參選特首嘅冼國林公布政綱第二部分，佢曾質疑教育局失職、教育失敗導致反修例運動，其政綱有多項教育改革建議，包括將國民教育列為中學文憑試必修科，各級各科教師亦要修讀並考試及格，先可以繼續有教師資格。佢又提出監管市面上嘅補充練習同模擬試題，加大教育局嘅監管權力，檢討老師嘅懲處同上訴機制；建議幼稚園同中小學必須加入普通話教材，配合國務院去年發表嘅《關於全面加強新時代語言文字工作的意見》。
醫療方面，冼國林提出即時研究成立第三間醫學院，應付醫生人手不足；「中西融合」容許中醫使用X光照片等基本西式治療設施等。就金融發展，佢建議開拓其他金融產品如債券市場。政府曾表明取消強積金對冲要到2025年先可實施，冼國林就話要喺明年底前落實，又建議縮短最低工資檢討期。
更多港聞
相關新聞
