【Emily】何君堯質疑推「與病毒共存」違國安 政府：意見討論唔違法
[2022.01.31] 發表
【明報專訊】立法會議員何君堯日前接受傳媒訪問時批評，有專家推動「與病毒共存」政策，係違反國防政策同社會秩序，可被視為違反《港區國安法》。政府發言人噚日就回應話，一般純意見討論不涉違法。
何君堯同Emily講，無諗過自己嘅言論會「一石激起千層浪」，覺得訪問被渲染咗。佢強調，學術討論防疫策略無問題，但如果去到要「拍板」決定嘅階段，就要考慮會否違背國家嘅防疫策略，因為香港同內地喺大是大非問題上，立場應該一致。翻查資料，中國工程院院士鍾南山去年底講過，如果新冠疫情死亡率跌到如同季節性流感，或可「與病毒共存」。何君堯回應話，鍾嘅言論並未去到決策階段。
何：若「拍板」階段 中港立場應一致
袁海文：無晒學術言論自由
民主黨日前發表民調，話有65%市民支持「與病毒共存」。該黨醫療政策發言人袁海文就認為，政府強調純意見討論先唔會違法，擔心倘有人提出較具體嘅「與病毒共存」方案，會否誤墮法網。佢慨嘆如果連討論防疫策略都違反國安法，係無晒學術同言論自由。
政府喺新聞稿強調，繼續以「動態清零」為目標，重申全球新冠疫情非常嚴峻，涉及變種病毒Omicron個案不斷上升，香港必須以最快手段切斷傳播鏈。
更多港聞
【Emily】幼兒委任狀上揮筆 區議員何華漢：已向徐英偉致歉
【明報專訊】噚日網上流傳一段影片，片中一名幼童坐喺嬰兒櫈上，手持原子筆，喺一張由民政事務局長徐英偉署名簽發畀「鄧麗玲」嘅「地區防火委員會委任... 詳情
相關新聞
