【Emily】海園380員工游走山徑海岸清垃圾
[2022.01.26] 發表
【明報專訊】近來疫情嚴峻，海洋公園因應防疫措施暫時休園，公園團隊呢段時間有新任務。上周四(20日)開始，有超過380名公園員工分成小隊，去到全港27條熱門行山徑清理廢物，務求令「山野無痕」。佢哋又喺海洋公園附近嘅南區海岸線清理海洋垃圾，海洋公園行政總裁黃嗣輝都有參與行動，同員工一齊清潔石灘。
海洋公園話，近年郊野人流增加，垃圾棄置問題愈嚟愈嚴重。公園員工喺郊外見到唔少棄置嘅口罩同消毒濕紙巾，擔心會增加病毒傳染風險，甚至被野生動物誤食，影響佢哋嘅棲息地同覓食習慣。
公園員工整理收集到嘅垃圾，再將可回收廢物分類處理。佢哋發現有好多不可自然分解嘅垃圾，包括魚網、浮波、發泡膠箱同鐵絲網等。
更多港聞
【Emily】教大推6賀年手機貼圖 祝過三爆四
【明報專訊】為迎接虎年，香港教育大學推出咗新春電子賀卡，同埋6款賀年手機貼圖，向大家拜年。教大設計嘅卡通人物、臉蛋圓圓嘅「葉仔」，擔任賀卡同... 詳情
浸大學院9月重組 傳播新聞電影分拆 稱資源不減 有教職員憂「陰乾」
【明報專訊】浸大重組部分學院，牽動新聞系所屬的「傳理與影視學院」。浸大昨日回覆查詢時稱，該學院內電影學院將拆走，餘下的傳播系及新聞系續組成學... 詳情
【明報專訊】教資會以3年為一規劃周期，供資助大學檢視近期發展及制訂切合未來需要的《規劃工作建議書》。根據教育局提交立法會文件，八大規劃202...
詳情
相關新聞
