【Emily】阿狄收徐英偉短訊：影響大家唔好意思
[2022.01.08] 發表
【明報專訊】民政事務局長徐英偉因為參加人大代表洪為民嘅生日會，被列為密切接觸者，要隔離檢疫。喺生日會翌日同徐英偉同枱食飯嘅新思維狄志遠，前日就做完檢測，噚日收到結果，即刻喺facebook報平安，話自己嘅檢測結果係陰性。當日一齊食飯嘅新思維副主席黃俊瑯、崔定邦，檢測結果同樣係陰性。
雖然暫時無事，但阿狄都唔敢完全放鬆，佢同Emily講，因為病毒有潛伏期，佢今日會做多一次檢測，呢幾日仍然會小心翼翼，留喺屋企工作，部分會議亦會取消。佢話會視乎第二次檢測結果，假如都係陰性，預計星期一就會回復正常工作。
阿狄又話收到徐英偉嘅短訊通知，話自己嘅檢測結果都係陰性，請佢放心。阿狄又話徐英偉對於今次事件影響到大家表示唔好意思。
更多港聞
相關新聞
