【Emily】成立「智慧生活促進組」 EQ等倡大數據配合「安心」
[2022.01.04] 發表
【明報專訊】新議會出現唔少冇政黨背景嘅新丁，好似選委會界別議員陳紹雄、林筱魯，佢哋噚日聯同成功連任嘅民建聯葛珮帆(EQ)見記者，宣布成立「智慧生活促進組」。陳紹雄、林筱魯被問會唔會加入民建聯，陳話以獨立身分參選，冇考慮同政黨建立聯繫，但認為有空間同其他議員按議題合作；林就話會主動同唔同板塊合作。
佢哋組成「智慧生活促進組」，話希望喺議會內推動本港智慧生活發展。陳紹雄解釋，喺競選過程約見咗唔同持份者，其間發現3人嘅政綱都關注環保、科技等範疇，同樣希望香港加快推進智慧城市發展，所以促成今次合作。
小組噚日提出15項建議，包括建議政府利用物聯網、大數據配合「港康碼」及「安心出行」應用程式，未來會約見相關司局長提出意見。EQ話目前「安心出行」冇實名制同追蹤功能，形容係一個漏洞，政府應該改善。
更多港聞
升中交表 報皇仁家長：初中後或離港 多中學稱面試不問移民
【明報專訊】升中自行分配學位昨起接受申請，有到傳統名校遞交申請的家長說，將來盼在外國生活，惟現不願兒子獨自成長，故暫讓他留港讀書，待完成初中... 詳情
【明報專訊】教育局昨發通函，本學年約750間「幼稚園教育計劃」幼稚園可獲一筆過「教師專業發展津貼」，按學生人數分3層款額，半日制人數達331...
詳情
相關新聞
