【Emily】涉僭建輔警一哥 獲延任兩年半
[2022.01.01] 發表
【明報專訊】前年被揭住所涉僭建嘅香港輔助警察隊總監楊祖賜(圖)，獲政府延任總監一職兩年半，至2024年7月6日。今次係佢繼2019年後再度獲延任。
1989年4月加入香港輔助警察隊嘅楊祖賜，2016年4月獲委任為總監。政府噚日發稿公布延任消息時就話，楊祖賜喺領導輔警隊方面表現優秀同投入，過去幾年喺佢領導下，輔警隊為警務處提供咗重要嘅支援，以應付各種前所未有嘅挑戰。
2020年5月，楊祖賜被本報揭發佢喺西貢北港新村嘅村屋涉僭建，天台加建咗頂鋪太陽能板嘅構築物，仲涉嫌擴展村屋地段，佔用官地泊車。佢當時話有關構築物係可裝拆式圍板搭建，已委託專業測量師跟進；其後向地政總署提出規範化申請以租用被佔官地，但被地署拒絕申請並要求交還官地。據了解，楊最近已按地政總署要求糾正有關問題。
更多港聞
【Emily】紫荊黨北都考察 領會「中西合璧」
【明報專訊】2020年成立嘅紫荊黨，雖然未喺立法會選舉大展拳腳，但無礙佢哋發展黨務嘅決心。紫荊黨主席李山喺啱啱過咗嘅聖誕假期（27日），率領... 詳情相關新聞
