【Emily】陸靈中、林錫添搞巴士迷對話會 幫手提路線建議 強調「唔係為變而變」
[2021.12.31] 發表
【明報專訊】荃灣區議員、民主派陸靈中同該區前議員、民主派林錫添齊齊喺facebook宣傳，佢哋分別會喺嚟緊1月4日同1月7日晚搞「巴士迷對話會」。陸靈中形容今次係「突破性嶄新做法」，藉住同巴士迷面對面溝通，豐富運輸署嘅巴士路線計劃，強調原則係「不為改變而提出改變建議」。
陸靈中同Emily講，不時收到巴士迷來信，提出巴士路線建議，甚至連走線同車費都建議埋，真係好有心。
陸靈中話每年區議會都會喺轄下嘅交通及運輸委員會討論由運輸署提交嘅巴士路線計劃，佢今次想先收集巴士迷嘅意見，之後拎去同居民共議，等街坊再畀意見，甚至或者會做簡單問卷，如果獲得共識有較強嘅建議，就會向運輸署提出意見。佢強調係睇下有冇需要改動，唔係為改變而改變。
更多港聞
【明報專訊】大埔區議員姚鈞豪喺「大埔TAI PO」專頁開post，話有啲問題要請教大家意見，佢話2019年有17個準區議員開會，大家講好新一...
詳情
【Emily】初選案被捕 還押近一年 吳政亨總結2021年：顛覆
【明報專訊】年初因民主派「35+初選案」被捕嘅吳政亨（Gordon，圖），轉眼還押近一年，佢朋友見前日宣布停運嘅「立場新聞」早排有個「用一個... 詳情
相關新聞
