【Emily】自家爆谷贈財爺 羅庭德籲助青年創業
[2021.12.24] 發表
【明報專訊】財爺陳茂波近排開始會見唔同團體聽吓大家對下年《財政預算案》嘅意見，北區區議會主席羅庭德噚日出席其中一場，會後佢喺facebook上載同財爺嘅合照，話送咗一桶親手研製嘅爆谷等畀財爺。點解係送爆谷呢？佢發言時解釋係同北區發展有關。
羅庭德認為政府應該調撥資源創造創業土釀，畀年輕人有投身實業嘅機會。佢以自己研發爆谷嘅生意為例，話受各項限制，每月只可生產500至1000桶，喺現行嘅產業資助計劃下，無一個幫到產品產業化。佢引述噚日送畀財爺嘅《活用北區閒置官地》報告，話𠵱家北區有163塊閒置官地，仲有上水「水貨街」空舖等，認為係年輕人嘅發展空間，希望財爺研究吓。
佢又送咗另一份有關實習生計劃嘅總結報告畀財爺，話計劃係透過招募香港製造嘅工場、農場、木廠、魚排做合作伙伴，每期為幾十個年輕人提供有薪實習，希望有更多人可以為年輕人謀出路。
更多港聞
【明報專訊】候任科技創新界立法會議員邱達根（Duncan）當選第4日就有搞作，噚日同業界見面，有大約60人出席，業界紛紛吐苦水，有人投訴申請...
詳情
【明報專訊】喺啱啱過去嘅立法會選舉，民協前主席馮檢基出山參選九龍西，最後階段獲多個民協前黨友支持，包括楊彧、江貴生、李炯、譚國僑等。深水埗前...
詳情
相關新聞
