【Emily】推廣優質旅遊 姜濤Phoebus做一日店長
【明報專訊】旅發局噚日宣布推出第三輪「賞你遊香港」,名額增至6萬個,市民只要即日起喺本地零售或餐飲商戶實體店消費滿800蚊,儲起收據,下月3號就可直接到旅行社報名,換取本地遊旅行團名額一個,參加者至少要打咗一劑新冠疫苗。Emily聽聞旅發局搵咗人氣歌星姜濤,仲有Phoebus吳啟洋擔任「一日店長」,推廣優質旅遊服務計劃。
旅發局話今次賞你遊嘅行程更多元化,提供300個唔同旅行社設計嘅特色行程,仲有四大主題,分別係探索文化、大城小區、維港美景、尋覓美食。部分旅行社會推出「全新付費升級之選」,詳細行程選擇遲啲公布。
賞你遊推第三輪 名額6萬
如果你係「姜糖」,就更加要留意今晚同下星期六晚11點15分ViuTV播出嘅《全民?造星級店長》節目,皆因姜濤同埋Phoebus會做一日咖啡店同服裝店店長,體驗接待旅客前線員工嘅挑戰!