【Emily】獲美總統邀請 羅冠聰民主峰會演講
[2021.12.06] 發表
【明報專訊】流亡海外嘅立法會前議員羅冠聰致力打國際線，佢噚日喺facebook透露，獲美國總統拜登邀請，出席本周四至周五舉行嘅「民主峰會」並發表演講。阿聰作為唯一獲邀港人，佢話將會呼籲國際社會團結對抗威權崛起，「讓香港故事活躍在國際舞台，是我離開香港後肩負的重任」。
阿聰話峰會邀請咗110個國家或地區參與，以及公民社會嘅代表，等佢哋向各國領袖建議守護民主同對抗威權。峰會過後，各國政府會有長達一年嘅工作計劃，努力達成呢啲目標。
阿聰對獲邀感到榮幸，又感恩有更大平台去講香港人故事，佢形容呢項工作可能「路遙遙、無止境」，但相信堅毅前行，總有絕處逢生嘅一日，「我地(哋)唔係因為見到希望先堅持，係因為堅持先見到希望」。阿聰將會喺「保障人權」同「鞏固民主及對抗威權」嘅兩個討論環節間發表演講。同樣流亡在外嘅前議員許智峯喺帖文留言，叫阿聰「加油」。
更多港聞
【明報專訊】勞福局長羅致光話要為自己及公共年金平反，話說佢喺上周網誌推銷人買年金，被人話只為高收入者着想，所以噚日網誌再寫年金，話翻查自己文...
詳情
校方停代收會費收入跌九成 盼吸會員免孤立 終止斷莊 嶺大學生會：別當嶺豬
【明報專訊】嶺大學生會早前舉行換屆選舉，相隔4屆再有內閣當選，新內閣即要面對校方停止代收會費下如何維持會務難題。本學年僅365名嶺大生成為學... 詳情
相關新聞
