【Emily】《早辰．早晨》告別 港台改播中共紀錄片
[2021.10.23] 發表
【明報專訊】香港電台再有節目調動，有直播手語傳譯嘅早晨資訊節目《早辰．早晨》噚日突然話係最後一集，港台網頁節目表顯示，下星期一起朝早7點半至8點同樣時段，會播中共紀錄片《敢教日月換新天》。《早辰．早晨》主持陳淑怡喺最後一集臨近結尾時話：「《早辰．早晨》由2016年4月起，逢星期一至五，陪大家走過晴天陰天打風落雨嘅日子，走到今日，節目嚟到最後一集，都要提提大家今日天氣轉涼，出門口記得帶定件外套。後會有期。」
Emily問點解有呢個改動，港台就回覆話不時檢討節目播放安排，按《香港電台約章》下公共目的同使命，為公眾提供優質嘅節目及資訊，不評論個別節目嘅內部編輯事宜。
有手語傳譯嘅電視節目又少一個，港台就話每晚11點《新聞天地》、星期三晚8點《盤點政策》、《2021立法會換屆選舉——資訊短片》等，全部有手語傳譯。
更多港聞
【明報專訊】因為初選案還押嘅劉頴匡，早前成功報讀都會大學嘅語言與翻譯榮譽文學士課程，佢女朋友黃于喬（Emilia）噚日就喺facebook話...
詳情
相關新聞
