【Emily】聶德權備戰渣馬 與青年練跑喊「爽」
[2021.10.18] 發表
【明報專訊】公務員事務局長聶德權一向都有跑步，仲有參加下周日(24日)舉行嘅渣打馬拉松。佢噚日喺facebook話，跑友、民建聯鄭泳舜(中)早前邀請佢參加「油尖旺×青年跑」計劃練跑，佢同一班不同背景、膚色嘅青年人交流、練跑、出一身汗，話覺得分外「爽」，仲可以為渣馬備戰。
聶德權喺fb上載片段(圖右二)，見佢去到運動場就主動同班後生仔打招呼，問青年跟咗呢個跑步班幾耐。佢透露自己都有6、7年跑齡，又問大家打咗疫苗未。之後見佢專心跟操，佢話以往多數「獨自修行」，鮮有參加團隊操練，今次喺後排跟住教練指導，隨學員訓練，感覺出奇地好。
聶德權話，有少數族裔學員同佢講，剛獲海關取錄，但最希望投考入境處，亦覺得入境處應有更多發揮機會畀少數族裔。佢鼓勵對方唔好放棄，返工後都有即時請同事了解紀律部隊畀少數族裔嘅入職和培訓最新情况，睇睇有冇地方可進一步加強。
更多港聞
【Emily】體驗傷健共融 朱敏健坐輪椅做運動
【明報專訊】香港傷殘青年協會噚日舉辦一年一度嘅大型傷健共融活動「 華懋『健障行』共融同樂日」，民政事務局長徐英偉、平機會主席朱敏健同香港傷殘... 詳情
【明報專訊】噚日係「全國扶貧日」，亦係「國際消除貧困日」，工聯會開記者會，會長吳秋北、理事長黃國、立法會議員陸頌雄同九龍東總幹事鄧家彪都有出...
詳情
相關新聞
