【Emily】機票抽獎有人中7次 國泰更正致歉
[2021.10.13] 發表
【明報專訊】由機管局贊助、國泰航空同HK Express以抽獎形式送出機票嘅「2019冠狀病毒病疫苗接種免費機票大抽獎」，噚日公布得獎名單。不過，Emily昨午查核名單發現，國泰嘅得獎名單上竟然有大量得獎者多次重複中獎，仲有人「中獎」7次。
Emily核對過呢份得獎名單，雖然得獎人嘅姓名同電郵地址部分以星號取代，但都睇得出有大量得獎者資料相同，部分頁數嘅得獎者資料直情成批重複，而重複嘅資料主要集中喺頭5000人。Emily更發現，至少兩個得獎者「中獎」7次。
國泰傍晚回覆Emily稱已更正咗份名單，仲話根據大抽獎條款同細則，合資格參加者不得喺今次活動中贏取多於一份獎品，同埋已透過電郵個別通知2.5萬名國泰機票得獎者，並就此事引起嘅不便表示歉意。
更多港聞
【Emily】新民黨搞辯論 英文傾「共同富裕」
【明報專訊】民建聯日前舉辦施政辯論擂台，由該黨立法會議員、第二梯隊等就唔同政策辯論，原來其他政黨亦有類似安排，不過就係內部活動。新民黨fac... 詳情
【明報專訊】學童人口正面對結構性下跌，資助小學校長會、津貼小學議會等近日多次向教育局建議，應趁機全港實施小班教學。教育局昨日在網上撰文，不點...
詳情
相關新聞
