【Emily】民政局抽起討論區會撥款權議程
[2021.10.12] 發表
【明報專訊】立法會民政事務委員會噚日原本議程有一項「修訂社區參與計劃及地區小型工程計劃的推行安排」，緊接《施政報告》政策簡報嘅議程，但噚日開會前突然被抽起，委員會主席、民建聯梁志祥解釋，局方驚施政報告議程唔夠時間傾。不過會議喺約下午5點45分就完結，比會議原定完結時間仲早咗15分鐘。
主席：局方驚施政報告唔夠時間傾
雖然議程被抽起，祥哥就喺會上照問，指有區議會少人，甚至無法正常運作，問到社區參與計劃及地區小型工程計劃嘅撥款點處理。民政事務局長徐英偉話，有啲區議會𠵱家人數唔係好夠，區議會係諮詢架構，好多權力仲喺民政事務總署署長度，要檢視啲錢點樣唔好浪費，有啲議會開唔到會、有啲程序上「卡住咗」，會檢視問題。
工聯會郭偉强會上提到打擊「假資訊」喺施政報告中隻字不提。徐英偉就回覆話，「我哋唔會漏嘢」，指施政報告有提到打擊假新聞，「仲要加多咗保障網絡安全」，《附編》都有提到研究應否修訂處理喺社交媒體散播假消息等。
更多港聞
【明報專訊】新一份「幼稚園概覽」出爐，載有全港1050間幼稚園去年10月學生人數。本報統計3區共143間參與幼稚園教育計劃（下稱計劃）的幼稚...
詳情
相關新聞
