【Emily】創科界搞大灣區IT青年捐血日 容海恩響應
[2021.09.25] 發表
【明報專訊】唔同界別都積極宣傳大灣區活動、點樣促進交流等，創科界更舉辦「粵港澳大灣區IT青年捐血日」，新民黨立法會議員容海恩(Eunice)噚日亦喺facebook上載捐血相，話自己響應呢個活動去咗捐血。Eunice同Emily講，係有朋友同佢講有呢個活動，形容自己係「半個IT人」所以響應，活動亦十分有意義。
今次活動由香港創科發展協會主辦、香港科創義工聯盟合辦，噚日喺灣仔捐血站舉行啟動禮，中聯辦亦有派員出席，話活動利國利港利民。
活動將擴至灣區所有城市
香港創科發展協會主席陳迪源話，希望活動可以推動灣區人意識到捐血嘅重要性，亦鼓勵科技及創新界從業員多關心社會唔同需要嘅人，養成樂於助人嘅好習慣。佢話「粵港澳大灣區IT青年捐血日」將逐步擴展到大灣區所有城市。
更多港聞
【Emily】屈臣氏紀念版蒸餾水 每支捐1蚊撐殘運
【明報專訊】港隊喺東京奧運及殘奧都有唔錯成績，屈臣氏搞咗個「全城奪『金』心連心」活動，推出兩款特別紀念版蒸餾水，本月17日至9月30日期間，... 詳情相關新聞
